-- ADVERTISEMENT --
Nagpaandam ang Department of Agriculture sa publiko nga mahimo maglab-ot sa P500 kada kilo ang presyo sang baboy sa tunga sang nagataas nga presyo sang gatong tuga sang tension sa Middle East.
Suno sa DA, posible nga magtimbuok sa 60% ang presyo sang baboy samtang 50% naman sa presyo sang bugas kun maglala pa ang sitwasyon.
Nagpabutyag naman sang pagkabalaka ang mga consumers kag vendors bangud sa mahimo pagsaka sang presyo sang mga balaklon.
Ginabuhinan na lang sang pila ka mga manugbakal ang ila ginabakal nga baboy , samtang ang iban naman mas ginapili nga magbakal sang isda kag utan.
