-- ADVERTISEMENT --
Wala sang pagbag-o sa presyo sang bugas sa Teodoro Arcenas Trade Center sa Roxas City.
Sa interview sang Bombo Radyo kay Edilberto Cambe, isa ka rice retailer, iya ginpahayag nga bisan may pagsaka na sa presyo sang palay, nagapabilin gihapon nga stable ang presyo sang bugas sa merkado.
Suno sa iya, ang regular milled rice nagabalor sa P30 tubtob P45 kada kilo, samtang ang well-milled rice yara naman sa P45 tubtob P50 kada kilo.
Dugang pa ni Cambe, wala pa sila sang nabaton nga direktiba agud magpasaka sang presyo sang bugas, rason nga nagapabilin gihapon sa tagsa ka presyo sini.
Ginpahayag man sini nga ang ginabaligya nga lokal nga bugas ang ginakuha man sa probinsya sang Capiz.
-- ADVERTISEMENT --
