Amat amat na nga nagadamo ang nagabisita sa Balay Kapisnon agud magbakal sang bulak sa nagahilapit nga Valentines Day.
Ini ang ginkumpirma sang isa sa mga negosyante nga si Kristina Alvarez.
Ginpahayag ni Alvarez nga subong pa lamang, may mga nagabakal na sang bulak, teddy bears, chocolates kag iban pa nga butang nga mahimo nila nga maregalo sa maabot nga adlaw sang mga tagipusoon.
Suno sa ginang nga nagadepende ang presyo sang isa ka bouquet sang bulak kag sa luyag nga flower arrangement kag add-ons sang isa ka bumalakal sa diin nagalab-ot ini sa P250 pesos.
Pinakamadahog nga ginabakal ang sunflower sa balor nga 450 ang isa sa diin may kahulugan ini nga “you are my sunshine”.
Kalakip sa mga add-ons nga mahimo ipabutang sa anuman nga klase sang bulak nga baklon amo ang tsokolate, stuff toys.
May mga human sized teddy bears man suno sa ginang nga yara sa duha ka libo ka pesos ang presyo.
Magluwas diri, madamo man nga mga customers ang naga-order sa iya online bangud sa ila nga free delivery.
Samtang suno kay Alvarez nga lauman ang pagtaas sa presyo sang mga bulak samtang nagahilapit ang adlaw sang mga tagigpusoon labi na nga gikan pa sa Baguio ang mga bulak.
| ReplyForward |
