Magasaka ang Presyo sang Gasolina kag Diesel sa masunod nga semana.
Ini man ang base sa tatlo ka adlaw trading nga epekto man sang padayon nga tension sang Israel, United States of America kag Iran.
Yari ang posible nga pagsaka sa presyo sang gatong:
Gasoline – posible magsaka sang P7.09 per liter
Diesel – posible magsaka sang P15.33 per liter
Suno sa Department of Energy (DOE), possible pa ini nga magsaka sa masunod nga semana.
Nahibaluan nga nagpahayag man si President Ferdinand Marcos Jr., nga iya naman nga ginakonsiderar ang pagbuhin ukon pagsuspende sang excise tax agud mahagan-hagan ang epekto sini sa publiko.
Madumduman nga magahatag man sang fuel subsidies ang gobyerno para sa mga public transport operators, mangunguma kag fisherfolks.
Nagpanawagan ang Department of Energy (DOE) sa publiko nga i-report ang mga naga-take advantage sa problema sa gatong tungod sang tensyon sa Middle East.
