May pagtaas sa presyo sa ginakuhaan sang supply sang baboy nga ginabaligya sa merkado sa Roxas City.
Sa interview sang Bombo Radyo kay Punong Barangay Roberto Maaw Ross Roldan, kun sadtong bulan sang Enero kag Pebrero yara sa P260 ang presyo sa ginakuhaan nila sang supply sang baboy apang subong naglab-ot na sa P270.
Suno kay PB Roldan apisar nagtaas ang presyo sang supplier wala nila gintaasan ang presyo sang baboy nga ila ginabaligya sa merkado.
Nagapabilin sa gihapon suno diri sa P380 tubtob P400 ang presyo sang karne sang baboy kun sa diin ini nga presyo halin pa sang bulan sang Disyembre sang tinalikdan nga tuig 2024.
Paathag sini sa mga bumalakal kun ngaa mataas sa gihapon ang presyo sang baboy bangud indi supisyente ang supply diri sa Capiz kag sa probinsya pa sang Bohol nagakuha sang supply.
Dugang pa ni PB Roldan nga indi man kun tani nila ini gusto apang mahal ang presyo sang ila ginakuhaan rason nga wala man sila mahimo kag may ginabayran man sila sa slaughter kag arkabala sa merkado.
