ROXAS CITY – Ginkumpirmar sang Market Administrator sang Teodoro Arcenas Trade Center ukon TATC nga may pagsaka sa presyo sang mga isda sa nasambit nga merkado.
Suno kay Mrs. Heloise Mendoza nga indi sini makontrol ang pagsaka sang presyo sang pila ka mga baligya sa merkado kalakip na ang isda bangud wala sang may ginpaguwa ang Suggested Retail Price ukon SRP sini.
Gindugang pa ni Mendoza ang ginabasehan nga presyo sang mga fish vendor sa merkado amo ang presyohanay gikan sa ginakuhaan nila sang supply sa mga ports.
Samtang ginalantaw naman nga rason ni Mendoza sa pagsaka sang presyo sang isda sa merkado amo ang kakulangan sa supply bangud sang nagligad nga semana naglaka ang pagpadulong sang mga mangingisda sa lawod.
Sa pagangusisa sang Bombo Radyo Roxas nagdangat sa kapin P10 ka pesos ang ginsaka sa presyo sang mga isda sa merkado kumpara sang nagligad nga semana.
