Gin-anunsyo sang Department of Agriculture (DA) nga mahimo maglab-ot sa P62 ang kada kilo sang bugas sa bulan sang Setyembre.
Ini kasunod man sang mataas nga presyo sang abono tuga sang nagapadayon nga tensyon sa Middle East.
Suno sa Proactive Response and Oversight for Timely and Effective Crisis Strategy (PROTECT) committee hearing, ginpahayag ni Agriculture Secretary Francisco Tiu Laurel Jr. nga mahimo magdangat sa P1,650 tubtob P3,000 ang presyo sang abono.
Suno kay Laurel nga antes ang kinagamo sa rehiyon, yara lang sa P42 ang kada kilo sang bugas.
Samtang, ginpahayag sang DA nga may iban pa sila nga paagi para mapunggan ang pagtaas sang presyo, pareho sang “rice blend” kag “corn blend.”
Ang rice blend amo ang pagmerge sang imported kag lokal nga bugas sa 70-30 ukon 60-40 nga ratio para mapadayon ang suplay kag mabuligan ang mga mangunguma.
