Nagnubo ang presyo sang kamatis sa P100 tubtob P230 kada kilo sa pila ka merkado, sandig sa price monitoring sang Department of Agriculture (DA).
Ini ang nangin pahayag ni DA Spokesperson and Assistant Secretary Arnel de Mesa, manubo ini nagikan sa gulpi nga pagtaas sang presyo sini pagkatapos sang holiday season sang Disyembre. Matandaan nga umabot sa P200 tubtob masobra sa P300 kada kilo ukon halos kabaylo sang P20 kada piraso ang presyo sang kamatis sa pila ka merkado sa Metro Manila makaligad ang Bag-ong Tuig bangud sa kakulangan sang suplay sini.
Nauna na nga ginpaathag sang DA nga isa sa rason sang pagmahal sang kamatis, amo ang asud-asod nga bagyo ilabi na sa mga rehiyon nga ginakuhaan sini nga sobra nga naapektuhan ang produksiyon sang kamatis.
Nagnubo sang 45% ang produksiyon sang kamatis sa pungsod sang 4th quarter sang 2024 rason nga naapektuhan ang suplay.
Dugang pa ni De Mesa, nagalaum ang mga ini nga padayon nga maganubo ang presyo sang kamatis antes matapos ang Enero ukon mangin sa una nga semana sang Pebrero bangud tion na sang anihan.
