Nagmahal ukon nagtaas ang presyo sang kamatis sa ika-7 ka adlaw sang tuig 2025 sa Teodoro Arcenas Trade Center (TATC).
Sa interview sang Bombo Radyo kay Nanay Neneng, tindera sang kamatis sa nasambit nga merkado, ginpahayag sini nga sobra ang pagtaas sa presyo sa karon sang mga nagapanguna nga mga panakot ukon rekado partikular na ang kamatis.
Ang ginatudlo nga rason sini, ang kadugayon nga pagbyahe ukon pag-deliver sini bangud kalabanan sa suplay sang mga ini ang nagikan pa sa Manila kag sa iban pa nga mga kaprobinsyahanan.
Suno pa kay Neneng, wala nagapalarehas ang presyo sang kamatis subong, nagadalagan sa P160 tubtob P180 ang kilo sini sa karon.
Kalabanan pa suno sa mga manugbakal ukon suki sang mga ini, nagabakal nalang sang binilog bangud sa gulpi nga pagtaas sang presyo sini.
Maluwas sa kamatis, nagtaas man ang presyo sang repolyo, patatas, carrots kag iban pa.
