Presyo sang kape, posible nga magtaas – Philippine Coffee Board

Posible nga magtaas ang presyo sang kape sa pungsod sa mga masunod nga adlaw.

Suno sa Philippine Coffee Board, ini bangud sa kakulangan sa global supply kag mas mataas nga balor sang nasambit nga produkto.

Sa pahayag ni PCB President kag Co-Chairperson Pacita Juan nga posible magsirit sang mas ukon menus 20% ang presyo sang kape.

Ginhatagan man sini sang pagtamod nga mahimo makapulos ang mga lokal nga mangunguma sa pagtaas sang presyo sang kape kung makahimo sang maayo nga kalidad sang beans.

Base sa pahayag sang PCB, halos nagdoble sa P350.00 nagikan sa anay P180.00 kada kilo ang farm gate price sang robusta, ang nagaprodyus sang kape samtang ang commercial-grade coffee nagdangat sa P320.00 kada kilo.