ROXAS CITY – May pagnubo sang P2 sa presyo sang kada kilo sang local rice sa Teodoro Arcenas Trade Center suno kay Mr. Edilberto Cambe, Presidente sang Rice Retailers Association.
Gintuad ni Mr. Cambe nga ang rason sang pagnubo sang presyo sang bugas bangud nga nagsugod na ang tig-alani.
Suno kay Cambe, sang Pebrero 4 sila nagpanubo sang presyo sang bugas kun sa diin ang presyo sa karon sang regular milled rice P45 tubtob P46 kada kilo, well-milled rice nga P48 kada kilo kag premium rice nga P50 kada kilo.
Mensahe sini sa mga bumalakal nga suportahan ang lokal nga bugas agud makabulig sa mga retailers kag ilabi na sa mga lokal nga mangunguma.
Sa pihak nga bahin, nagpanugyan man ini sa mga kaupdanan nga manugbaligya nga sundon ang ginapatuman sang gobyerno kun may pagnubo sa presyo sang bugas agud maka-avail ang mga kunsumidor.
