ROXAS CITY – Nagtaas nagikan sa 6% tubtob 27% ang mga presyo sang noche buena items, isa ka bulan antes ang adlaw sang paskwa.
Ini ang ginkumpirmar ni Ms. Ken Queenie Cuñada, Provincial Director sang DTI sang mainterview sang Bombo Radyo.
Talalupangdon suno diri ang pagtaas sang pasta sang spaghetti, elbow macaroni kag salad macaroni bangud sa mahal nga pag-import sang wheat tuga sang kinagamo sa Ukraine.
Pahayag nu Cuñada indi kalakip sa Automatic Price Ceiling (APC) ang mga noche buena items rason nga indi malikawan ang pagtaas sini apisar yara sa idalum sang state of calamity ang probinsya.
Wala naman suno diri sang ginalauman pa nga masunod nga hugnat sang pagtaas sa mga presyo.
Panugyan sang director nga mangin wais ang mga bumalakal sa pagbakal kag pagpili sang mga brands sang produkto.
