Presyo sang prutas sa Teodoro Arcenas Trade Center, mas nagtaas samtang nagahilapit ang Bag-ong tuig

Mas nagtaas ang presyo sang mga prutas sa Teodoro Acenas Trade Center samtang nagahilapit ang Bag-ong tuig.

Sa interview sang Bombo Radyo kay Genelyn Asuncion, isa ka fruit vendor, iya ginpahayag nga may pagtaas sang P5 tubtob P20 ang kada prutas bangud sang mataas nga demand.

Suno kay Asuncion, apisar may pagtaas sa presyo, madamu sa gihapon sang mga manugbakal agud nga ihanda sa lamesa para sa media noche.

Pahayag pa niya, ginasigurado sini ang kalidad sang mga prutas nga iya ginabaligya agud mas madamu pa ang maganyat nga magbakal.

Dugang pa sang natungdan, nagalaum sila nga mas magadugok pa ang mga tawo nga magapamakal sang prutas subong nga adlaw agud makahingabot sa pagsug-alaw sang bag-ong tuig.