Posible nga maka-eksperyensya ang mga consumer sang manubo nga presyo sang highland kag lowland vegetables sa Disyembre pananglitan nga magapadayon ang maayo nga tyempo, suno sa Department of Agriculture (DA).
Suno sa ahensya nga ila namonitor ang amat-amat nga pagnubo sang presyo sang utan sa local markets matapos ang mga epekto sang magkasunod nga bagyo nga nagtupa sa pila ka bahin sang Luzon.
Mahibaluan nga tubtob sadtong Nobyembre 27, ang presyo sang carrots nagnubo sa P140 per kilogram tubtob P200/kg nga anay P140/kg tubtob P240/kg sadtong Nobyembre 22; ang presyo sang lettuce Romaine nagahampang lamang sa P150/kg tubtob P400/kg nga sadto anay P190/kg tubtob P400/kg; samtang ang green ice lettuce naman may peak price nga P390/kg, manubo sa P400/kg level.
Samtang ang presyo sang Baguio beans, pechay Baguio, cauliflower, kag celery nagapabilin nga mataas.
Pahayag ni DA Assistant Secretary Arnel de Mesa, nagabawi pa ang produksiyon sang lowland vegetables.
Sa pihak sini, pila ka mga lowland vegetables nagnubo na ang presyo, kalakip na ang talong, nga mabakal sa karun sa presyo nga P140/kg tubtob P200/kg, nga anay P150/kg tubtob P230/kg sadtong Nobyembre 22; kamatis nga may pinakamanubo nga presyo sa P120/kg nagikan sa P150/kg; kag ampalaya nga may presyo P200/kg nagikan sa P210/kg.
