Handa ang PrimeWater para sa isa ka makahulugan nga paghambalanay upod sa Local Water Utilities Administration ukon (LWUA).
Sa isa ka pahayag nga ginpaguwa sang PrimeWater, ginpahayag sini nga nagapakig-angot sila sa LWUA para sa kooperasyon agud masolusyunan ang mga isyu.
Ginpasiguro man sang water concessionaire sa publiko nga ginapabaskog sini ang ila mga lihok agud masabat ang mga kinahanglanon nga pagahimuon ilabi na sa mga challenged service areas.
Suno sa ila, ang pangako nagapabilin sa paghusay sang obligasyon sa paghatag sang malawig nga pag-uswag para sa nagakaigo, masaligan kag tayuyon nga serbisyo sa tubig.
Ginpaguwa sang Prime Water ang pahayag matapos nga ginmando sang presidente ang imbestigasyon angot sa isyu sang supply sang tubig nga ginaserbisyuhan sang water service provider.
