Nagpatigayon sang regional awareness campaign ang Police Regional Office 6 ukon PRO-6, kaupod ang Department of Education Region 6 ukon DepEd-6, sa mga elementary school sa rehiyon agud mapalapnag ang ihibalo may kaangantan sa Unified Emergency Hotline 911.
Sa interview sang Bombo Radyo kay Police Major Lailyn Sencil, spokesperson sang PRO-6, iya ginpahayag nga kabahin sang kampanya ang pagdala sang mensahe nahanungod sa Unified 911 direkta sa mga eskwelahan.
Suno kay Sencil, tinutuyo sang Unified 911 amo ang mahibaluan sang mga estudyante kag school personnel ang husto nga paggamit sang emergency hotline.
Nagahatag man ang PRO-6 sa mga learners kag school communities sang Unified 911 ballers kag Information, Education and Communication ukon IEC materials bilang kabahin sang information drive.
