ROXAS CITY – Naghiwat sang pre hearing ang probinsya sang Capiz nahanungod sa nahitabo nga Power Outage sa probinsiya sang Capiz.
Suno sa ginpahayag ni Hon. Jaime Magbanua , Vice Governor sang Probinsya sang Capiz, nga nagconduct sang amo nga hearing agud econsolidate ang mga impormasyon kag mahibaluan kung ano ang nagkalatabo sa tion sang Power Outage nga naeksperyensyahan sang Probinsya sang Capiz.
Gintambongan sang mga importante nga mga miyembro sang ahensya kasubong sang gobyerno probinsyal kag ang provider sang electricity nga amo ang Capelco.
Ang amo nga paghinala ang nakapukos lamang sa probinsya sang Capiz bangud may yara man sang masunod nga hearing nga igaconduct sa masunod nga adlaw.
Suno pa kay Magbanua, nga sa tion sang paghinala kinahanglan nga mapasabat ang Department of Energy, Energy Regulatory Commission,NGCP Independent Power Suppliers kag ang iban pa nga magatambong na lamang virtually.
Tungod sa inisyatibo sang gobyerno probinsyal nga ginapangunahan ni Governor Castro ini nga tikang ang dako nga bulig sa probinsya ilabi na sa mga negosyante nga naka-eksperyensiya sang dako nga halit tuga sang Power Outage.
Dugang pa ni Magbanua nga may mga investors nga maga-abot para sa supply sang kuryente kag ini ang isa sa programa sang probinsya.
Nagdangat naman sa tunga sa milyon ang nangin halit sang nasambit nga Power Outage sa Probinsya.
Sa karon, nagapasalig naman ang Vice governor nga himuon nila ang makaya agud mahatagan sang sulosyon ang nahatag nga halit sa Probinsya sa nasambit nga Power Interuption.//
