Probinsya sang Masbate, tuman nga na-apektuhan sang Bagyo Opong

Tuman nga na-apektuhan sang Bagyo Opong ang probinsya sang Masbate pagkatapos ini napaidalum sa signal no.4 .

Sa interview sang Bombo Radyo kay Bombo Correspondent Gil Bayaban,iya ginpahayag nga daku ang nangin kahalitan sang nasambit nga bagyo sa ila probinsya bangud madamu sang mga puluy-an ang naguba, kahoy nga nagtulumba kag mga karsada nga indi maagyan.

Suno kay Bayaban, may yara sang tatlo ka casualty ang gin bilin sang bagyo, isa ang natumbahan sang puno kag duwa ang nalumos bangud sang mabaskog nga hangin kag tubig.

Pahayag pa niya, may 100 ka mga pilason ang padayon nga gina bulong sa ospital .

Dugang pa sang natungdan,padayon sila nga nagalaum nga magahina kag magwa sa Pilipinas ang Bagyo Opong.