Gin-anunsyo ni Department of Budget and Managament Secretary Amenah Pangandaman nga natalana nga kanselahon sang Procurement Service office ang Philippine Government Electronic Procurement System (PhilGEPS) membership sang Wawao Builders kag iban pa nga contractors nga naangot sa maanomaliya nga flood control.
Suno kay Pangandaman, naka-high alert ang Procurement Service sang ahensya nga ikansela ang mPhilGEPS membership sang SYMS Construction Trading kag Wawao Builders kadungan sang pag-issue sang official blacklisting order halin sa Department of Public Works and Highways (DPWH).
Pahayag niya, responsibilidad sang PS-DBM nga magbulig sa iban nga ahensya sang gobyernob agud masiguro nga wala sang kurapsyon ilabi na sa aspeto sang public procurement.
Una na nga ginpahayag ni DPWH Sec. Vince Dizon nga permanente nga i-blacklist sang ahensya ang Wawao matapos madiskubrehan ang ginaalegar ghost flood control project balor P96 million sa Barangay Sipat, Plaridel, Bulacan.
