Nagtaas ang produksyon sang sibuyas kag kamatis sa pungsod sa third quarter sang tuig suno sa Philippine Statistics Authority (PSA).
Sa datos nga ginpaguwa sang PSA, ang seasonally adjusted nga produksyon sang sibuyas halin Hulyo tubtob Septyembre naglab-ot sa 104,805.68 metric tons, isa ka pagtaas sang 46.3 percent gikan sa 71,636.48 MT nga narekord sa amo man nga panahon sang nagligad nga tuig.
Nagtaas man ini sang 20.6 percent gikan sa 86,888.28 MT nga narekord sang nagligad nga quarter.
Samtang, ang seasonally adjusted nga produksyon sang kamatis halin Hulyo tubtob Setyembre ang narekord sa 57.32 ka libo ka metriko tonelada. Mas mataas ini sang 43.9 porsyento ipaanggid sang nagligad nga quarter nga 39.85 ka libo ka metriko tonelada.
Apang, nagnubo ini sang 1.6 porsyento gikan sa 58,236.33 MT sa amo man nga panahon sang 2024.
Pahayag pa sang Philippine Statistic Authority ang mga nagapanguna nga mga utanon pareho sang sibuyas kag kamatis naimpluwensyahan sang daku sang mga kabangdanan sang malain nga panahon, lakip na ang planting season kag Harvesting season.
