CAPIZ- Suportado sang Police Regional Office 6 ang mga programa sang bag-o nga hepe sang Philippine National Police.
Ang bag-o nga hepe sang Philippine National Police amo si Police General Nicolas Torre III.
Sa interview sang Bombo Radyo kay Police Lieutenant Colonel Arnel Solis, tigpamaba sang Police Regional Office 6, ginpahayag nga ang tanan nga direktiba kag programa sang bag-o nga hepe ang ila man nga gina-implementar kag ginapatuman sa ila nga nasakpan.
Dugang pa sini, kadungan sang direktiba nga 5 minutes response sa mga insidente, gilayon nga ila ini gintuman kag nagpatigayon sang pila ka mga stratehiya kag gin-implementar kag nangin madinalag-on naman ini suno sa iya kag nasarangan sang ila nga talatapan.
Nahibaluan nga pag-abot naman sa mandato sang hepe may kaangtanan sa mga kapulisan nga physically fit, wala naman suno sa iya sang may nagapabaya sa ila sini tagsa ka mga lawas bangud nga may regular nga mga physical activity ang mga kapulisan kag ginasunod man sini ang regular nga Body Mass Index (BMI) monitoring.
Samtang, suno pa kay Solis, nagapadayon ang mga aktibidad kag programa sang mga kapulisan sa Rehiyon VI kag mas ginapsangkad pa ang mga stratehiya agud nga mas mahatagan sang nagakaigo kag maayos nga serbisyo ang publiko agud mapabilin ang kalinong kag katawhay sa bug-os nga rehiyon.
With a report from Bombo Francis Biñas
