Nagtililipon sa guwa sang opisina sang Department of Agrarian Reform ukon DAR- Capiz ang mga progresibo nga grupo sa Capiz agud magpatigayon sang ila camp out.
Ini ang kadungan sang ila pagdumdom sang World Foodless Day bwas nga adlaw nga patigayunon man sa bug-os nga Pilipinas.
Suno kay Mr. Ryan Chaves sang Anak Pawis nga luyag nila pukawon ang gobyerno agud mapatuman na ang reporma sa duta.
Ginpahayag sini nga uhaw na ang mga mangunguma sa probinsiya nga makaangkon sang ila kaugalingon nga duta nga madugay na nila nga ginatalauma kag nabakal naman sang gobyerno apang wala pa matugyan sa ila.
Suno pa sa iya nga indi sila mag-untat sa pagsinggitan tubtob nga indi sila pagpamatian sang gobyerno kag maangkon ang duta nga para na kuntani sa ila.
Bitbit sang mga ini ang mga plackards sa diin nakapagkit ang ila mga panawagan kag singgitan.
Gindugang pa sini nga kabahin lamang ini sang ila preparasyon para sa malapnagon nga hublag protesta bwas nga adlaw kadungan sang pagdumdum sang ginbansagan nga World Foodless day.
