Progresibo nga grupo nagpatigayon sang hublag protesta sa RC public plaza

ROXAS CITY – Nagpatigayon sang hublag protesta ang progresibo nga grupo kahapon sa Roxas City public plaza.

Ginasinggitan sang grupo ang patas nga paghatag sang bulig sa mga naapektuhan sang bagyo nga Ursula sa probinsya sang Capiz sang nagligad nga tuig.

Ginabulubanta nga 20 ka miyembro sang progresibo nga grupo ang nag-upod sa rally nga ginpangunahan sang Buylog Capiz.

Tinutuyo sang grupo nga mapalab-ot sa gobyerno nga kinahanglan nila ang ayuda sa ipatindug nga naguba nila nga mga balay.

Nagapati ang progresibo nga grupo nga pinaagi sa ila hublag protesta mahatagan sang solusyon sang gobyerno ang ila ginasinggitan nga mangin patas sa paghatag sang bulig sa naapektuhan nga mga pumuluyo sang naglaslas ang bagyo.