ROXAS CITY – Nagapangasubo karon ang mga progresibo nga grupo sa probinsiya sang Capiz, matapos napatay sa aksidente ang coordinator sang Bayan-Capiz.
Sa facebook post sang Bayan Panay, nagpahayag sila sang pagsaludo sa ginpakita nga kaisog ni Kashmir Diestro nga nagaserbe nga tingog sang mga pigado.
Gin-ako sang grupo nga daku ang madula sa ila sa pagkamatay ni Diestro, bangud isa ini sa ginakabig haligi sang organisasyon.
Sa pihak nga wala na si Diestro, magapabilin nga buhi sa paino ino kag tagipusoon sang mga progresibo mga grupo ang nabilin nga handumanan kag ginpakita nga kaisog kag dedikasyon agud lamang mapalab-ot sa gobyerno ang tingog sang mga pigado.
Ginpasiguro man sang grupo nga ila ipadayon ang nasuguran nga kawsa sang nagtaliwan nga lider.
Samtang, ginabasol naman ni Jason Billones, abyan kasg kaupod ni Diestro nga nakaluwas sa aksidentem ang madulom nga dalan kag wala sang warning sign.
Aminado ini nga nakainum sila sang nagluntad ang aksidente, apang nagpanindugan nga indi sila hubog.
Suno kay Billones nga tupad sila nga nagapungko sa nalikod nga bahin sang salakyan ni Diestro sang magluntad ang aksidente nga wala nila ginalauman.
