Magapatigayon sang Panay People’s SONA ang mga progresibo nga grupo sa syudad sang Roxas nga pagahiwaton sa atubang sang Dinggoy Roxas Civic Center sa paalabuton nga July 27, 2026, alas 3 sang hapon kadungan sang State of the Nation Address (SONA) ni President Ferdinand Marcos Jr.
Sa interview sang Bombo Radyo kay Mr. Elmer Forro, chairperson sang United Labor of Western Visayas Workers’ Alliance, iya ginpahayag tinutuyo sang amo nga aktibadad amo ang ipabutyag sang nagkalain-lain nga sektor ang ila mga panawagan kag mga isyu nga mahatagan sang nagaka-igo nga tikang.
Lakip sa ila mga panawagan amo ang pag-aprobar sang ₱250 nga dugang nga sweldo para sa mga mamumugon.
Ginpahayag man sini nga tuman ka nubo ang family poverty threshold sa Western Visayas nga ₱13,900 kada bulan.
Bangud suno sa natundan, indi ini basehan sa pagsiling nga ang isa ka pamilya indi na pigado, bangud indi bastante ang amo nga income sa panginahanglanon sang pamilya bangud sa tuman ka mahal sang presyo sang mga balaklon.
Nagapanawagan man ang natungdan nga kanselahon ang Oil Deregulation Law, nga isa ini sa mga ginalantaw nga rason sang padayon nga pagsaka sang presyo sang produktong petrolyo.
