Gin-aprubahan sang Kamara de Representantes sa ikatatlo kag katapusan nga pagbasa ang bill nga nagadeklarar sa adlaw sang eleksyon bilang regular non-working holiday.
Sa boto nga 223 pabor, wala sang nagkontra kag isa ka abstention, napasar sang Kamara ang House Bill No. 8392 nga nagatinguha nga himuon nga holiday indi lamang ang national elections kundi pati naman ang plebisito, referendum, people’s initiative, recall elections kag special elections.
Suno kay Majority Leader kag Ilocos Norte Representative nga si Sandro Marcos III, katuyuan sang amu nga bill nga mahatagan sang kahigayunan ang mga Pilipino nga makaboto nga wala ginasakripisyo ang ila kita ukon trabaho.
Sa karon, ang adlaw sang eleksyon kada eleksyon masami ginadeklarar bilang special non-working holiday agud mahatagan sang tion ang mga pumuluyo nga makaboto.
