Nagpahayag sang pagkanugon ang pamilya Veloso bangud wala na madayon ang biyahe sang mga ini padulong sa Indonesia para bisitahon si Mary Jane Veloso.
Sa pahayag sang pamilya, nakabaton sila sang sulat gikan sa Department of Foreign Affairs (DFA) nga indi na madayon ang ila biyahe nga nakaiskedyul kuntani buwas, December 16 tubtob 17.
Base sa sulat sang DFA nga subong nga adlaw nakatalana ibiyahe si Mary Jane padulong Jakarta para suguran ang proseso para sa pag transfer sa iya pabalik sang Pilipinas.
Ang pagbalhin kay Mary Jane sa Jakarta ang base sa mandu sang Indonesian Ministry for Law, Human Rights, Immigrations and Corrections.
Sa karon wala pa sang nakatalana nga adlaw ukon petsa kun san-o makapauli sang pungsod si Veloso.
Kun matandaan, siling sang gobyerno nga bag-o mag paskwa makapauli na sang pungsod ang Pinay drug mule convict.
Ang pag-uli ni Veloso sa pungsod ang matapos magsugot ang gobyerno sang Indonesia nga paulion ini sang Pilipinas nga wala sang anuman nga kondisyon.
Sa pahayag sang pamilya Veloso nga nanugon sila nga indi madayon ang pagbisita nila kay Mary Jane ilabit na kag ila na ini nga ginpaghandaan.
Base sa statement sang pamilya nga nahidlaw na ang mga ini nga makaupod si Mary Jane makaligad ang isa ka tuig sang ulihi nila ini nga ginbisita.
