Ginpahagan-hagan sang Department of Energy ukon DOE ang mga pagsulundan sa pagbutang sang rooftop solar system agud mabuhinan ang red tape kag ma-engganyo ang mga panimalay, health facilities kag magagmay nga negosyo nga maggamit sang renewable energy.
Sa idalum sang bag-o nga polisa sang DOE, indi na kinahanglan ang Building Permit kag Certificate of Compliance ukon COC para sa qualified micro-solar systems nga tubtob sa isa ka kilowatt. Kinahanglan lang nga ireport ini sa local distribution utility..
Para naman sa pila ka mas dalagku nga mga solar installations sa mga puluy-an, clinic kag ospital, ang COC kag building permit mahimo man nga i-waive kon ang building may yara na sang valid nga structural clearance.
Ginmanduan man ang mga distribution utility nga mag-waive sang pila ka pre-installation clearance, technical permit, kag inspection fee.
