Ginpatpat sang provincial budget officer ang source of fund kun diin pagakuhaon ang P79million nga ginapa-supplement sang gobyerno probinsiyal sa Sangguniang Panlalawigan nga gamiton sa operasyon sang nagkalain lain nga mga district hospital sa probinsiya.
Ginpahayag ni Mr. Antonio Arbis nga magahalin ang nasambit nga pondo sa savings, surplus kag 2021 COVID-19 response.
Kasubong sa P21 million nga pagakuhaon sa savings sang 2019 surplus, ang P60 million nga 2021 Covid-19 response fund buhinan sang P40 million bangud indi makabakal sang vaccine bangud ginaprayoridad ang national government nga gina-share naman ang mga vaccines nga mabakal sa local government sa kaprobinsiyahanan.
Ang P8.2 million magahalin sa savings sa pagprocure sa goods and services sang bulan sang Enero tobtob Hunyo, P2.7million nga savings sang Gender and Development (GAD) kag ang P6.2 million nga savings para sa vacant funded position sang Enero kag Pebrero.
Suno kay Arbis ang orihinal nga request sang Roxas Memorial Provincial Hospital ang nagalab-ot sa P100 million apang ginpahayag nga wala sang kasubong kadaku nga pondo ang gobyerno probinsiyal.
