ROXAS CITY -Nagapadayon ang pagpangusisa ni Capiz Governor Esteban Evan Contreras angut sa gintunaan sang pagpositibo sa Covid-19 disease sang isa ka health worker sa probinsiya sang Capiz.
Ginkompirmar ni Contreras nga isa ka 32-anyos nga lalaki nga health worker nga nagatrabaho bilang frontliner sa Provincial Health Office (PHO) nga residente sang Barangay Milibili Roxas ang panibag-o nga nagpositibo sa COVID-19.//
Suno kay Contreras sang tinalikdan nga Mayo 14, 2020 sang ginsugod nga mag-ubo ang nagpositibo nga health worker apang yara na sa estable nga kondisyon samtang ginpaidalum sa hospital quarantine sa Roxas Memorial Provincial Hospital.
Ginpahayag man ni Contreras nga blanko pa sa karun ang Provincial Health Office sa rason kun ngaa nagpositibo sa covid-19 ang nasambit nga health worker.
Suno kay Contreras nga magapatigayon sang imbestigasyon ang PHO kun paano kag diin natapnan sang covid-19 ang health worker.
Samtang nagpasalig ang gobernador nga nagapadayon na ang contact tracing sa mga na contact sang nagpositibo nga health worker.
