ROXAS CITY – Ginatugyan na sang Provincial Veterinarian sa level sang Local Government Unit (LGU) ang problema sa mga layaw nga ido nga yara sa mga public places.
Ini ang ginpahayag ni Dr. Leonil Abordo, sang ma-interview sang Bombo Radyo.
Ginpahayag ni Abordo, nga may yara sang jurisdiction ang layi natuhoy sa sini nga problema.
Dugang pa sini nga may yara sang City ordinance ang gobyerno sang syudad natuhoy sa rabies control apang wala siya nakahibalo kun nadala diri ang mga layaw nga kasapatan.
Nagapati man ini nga ang pagkontrol sa mga layaw nga ido ang component sang ordinansa nga nagakinahanglan nga i-review.
Suno diri, ginabawal sa mga public places ang mga layaw nga ido kag dapat man nga kontrolado ini sang tag-iya pinaagi sa paghigot kag pagbutang sang busal sa baba agud indi madali makakagat sang tawo.
Nagapati man ini nga kun wala sang may nagasapupo sa mga layaw nga ido obligasyon sang LGU nga dakpon kag ibutang sa ila nga dog found area.
Sa tion naman nga wala sang may mag-adoptar sa nasambit nga sapat, ipaidalom ini sa mercy killing kag ilubong sa tama nga lulubngan.
