Ginsiling ni Pangulong Ferdinand Marcos Jr. nga kinahanglan mag-angkon sang komprehensibo nga pagpreparar para sa masunod pa nga lapnagon nga pagbaha kadungan sang pagpanglaslas sang Bagyong Carina kag Habagat sang tinalikdan nga adlaw.
Suno diri, lauman nga indi pa ini ang katapusan nga ma-eksperyensyahan ilabi na nga padulong na sa La Niña.
Ginpaanggid man ni Marcos ang mga lugar nga anay wala ginabaha apang subong lubo na sa tubig bangud sa wala untat nga pag-ulan.
Kinahanglan man suno diri nga hibaluon nga gilayon maghimo sang pamaagi agud malikawan ang kaangay sini nga kalamidad antes paman mag-igo ang mga masunod nga bagyo.
Indi man suno diri kinahanglan nga iban nga lugar lamang ang flood control kundi kinahanglan nga pila ka rehiyon ang sakop ilabi na nga wala sang ginakilala nga boundary ang tubig baha.
