Wala sa gihapon naga-untat ang gobyerno sang Pilipinas sa mga ginahimu sini nga tikang agud dalayon na nga mapanubo ang numero sang mga kubos nga Pilipino.
Suno sa pinaka-ulihi nga datos sang Philippine Statistics Authority, nagnubo ang poverty incidence sa mga pamilya nga Pilipino sadtong nakaligad nga tuig sa 10.9%.
Mas manubo ang datos nga ini ikumparar sa napagkit sadtong tuig 2021 nga naglab-ot sa 13.2% poverty incidence.
Ang nasambit nga datos ang kabaylo sang 109 sa tagsa ka 1,000 pamilya nga mahambal nga kalakip sa mabudlay nga kategorya.
Ginpahayag man sang PSA, nga nag-angkon sang pagnubo sa kapigaduhon nga naglab-ot sa 15.5% nagikan sa anay 18.1% sadtong 2021.
Suno sa pahayag ni PSA Chief kag National Statistician Dennis Mapa, ang porsyento nga ini ang kabaylo sang 17.54 milyon ang numero sang kubos nga Pilipino sadtong tuig 2023.
Ini ay mas manubo sang 2.36 sa datos nga napagkit sang ahensya sa pareho nga tion sadtong tuig 2021.
Nagapanguna sa gihapon ang Metro Manila sa may yara sang pinakamanubo nga poverty incidence nga 1.8% samtang ang BARMM ang may pinakamataas nga poverty incidence nga nagdangat sa 32.4%.
