Ginpugal sang Philippine Sports Commission (PSC) nga wala na guid may mangin problema kag handa na sila sa pag-host sa kauna-unahan nga Philippine Women’s Open.
Suno kay PSC Chairman Patric Gregorio, antes ang tournament qualifiers sa adlaw sang Sabado, 100 percent na nga handa ang tennis court sa Rizal Memorial Sports Complex.
Madamo nga mga pagbag-o nga ila gin-kaayo, kaangay sang fan zone, garden, kag mismo ang mga playing court.
Halín pa sang bulan sang Disyembre, nagbinuligay ang PSC, Department of Public Works and Highways (DPWH) kag City Government sang Maynila agud mapaayo ang Rizal Memorial Sports Complex.
Magasugod ang Philippine Women’s Open main draw matches sa Enero 26 tubtob 31, samtang ang qualifiers magasugod halín Enero 24 tubtob 25.
