Ginpalapad pa sang gobyerno ang pagpalapnag sang insakto nga impormasyon nahanungod sa isyu sang West Philippine Sea nga pilit nga gina-angkon sang China gamit ang tuman nga puwersa nagikan sa matuod nga tag-iya ang Pilipinas.
Kaangut ini sang pagpalapnag sang Philippine Coast Guard sang ‘rightful information dessimination’ angut sa legal claim sang Pilipinas sa mga isla nga ginkuha sang puwersahan sang Tsina.
Sa pag-atubang ni PCG Spokesperson for the West Philippine Sea Commodore Jay Tristan Tarriela sa local counterparts sining syudad,gina-eksplekar sini nga tinutuyo ni President Ferdinand Marcos Jr nga pukawon ang pagiging nasyonalismo sang mga pumuluyo pag-abot sa nasambit nga isyu.
Ini ang rason nga napanumdom sang national government nga ipaagi sa dalagan para sa West Philippine Sea ang pagganyat sang publiko nga magpasakop agud mag-angkon sang makusog nga tingog kag panindugan para i-depensa ang kaugalingon nga teritoryo nga gina-agaw sang banyagang-puwersa.
Igalunsyar ang dalagan para sa West Philippine Sea sa Cagayan de Oro City sa palaabuton nga Setyembre 8, adlaw nga domingo sang maga-aga.
Matandaan nga una nga ginhiwat ang nasambit nga fun run sa Imperial Manila nga ginsundan sa Cebu City kag nagsulod sining syudad kag mangin sa Zamboanga City.
