Nagpahanumdom ang isa ka public health expert nga ang depression indi isa ka kahinaan kundi isa ka mental health disorder nga ginasupreher sang isa ka indibidwal.
Ini matapos sang pahayag ni Senator Robinhood Padilla nga madamu sang mga nagaka-depressed nga kabataan sa subong kag gintawag nga “weak’ ang mga ini.
Sa interview sang Bombo Radyo kay Dr. Philip Ian Padilla, Professor of Microbiology and Public Health sang University of the Philippines- Visayas, iya ginpahayag nga mas madamu ang mga kabataan nga naka-eksperyensya sang depression bangud sang madamu nga mga chemical nga gina-release sang ila utok.
Suno kay Padilla, lakip man ang modern technology kasubong sang gadgets bangud naka-apekto ini sa pagpanumdom kag pagbinatasan sang mga ulihing tubo.
Nahibaluan nga ang depression ang isa ka sahi sang pagpangasubo nabatyagan nga nagadugay sang malawig nga tion.
Pahayag pa niya, treatable ang depression gani wala dapat sang kahadlukan sa pag-atubang sini.
Dugang pa sang natungdan, importante ang pag-amlig sa mental health gani untaton na ang stigma sang depression kag mangin sensitibo sa ginabatyag sang iban nga tawo.
INTERVIEWED BY: BOMBO ROADNIE DABAN DALANON
