Nagpahanumdom ang isa ka public health expert sa publiko nga mangin mahinalungon bangod sa padayon nga pagsaka sang kaso sang Nipah virus sa pila ka pungsod sa Asya.
Ang Nipah virus isa ka balatian nga halin sa kasapatan kag mahimo maglaton sa tawo.
Mahimo ini maglapta paagi sa kontaminado nga pagkaon ukon direkta nga halin sa isa ka tawo pakadto sa iban.
Sa interview sang Bombo Radyo kay Dr. Philip Ian Padilla, public health expert kag propesor man sa UP Visayas, iya ginpahayag nga ang amo nga virus naghalin sa paniki, nga daw kaangay sang Covid-19.
Dugang pa niya, nga likawan ang pagpadulong sa lugar nga madamo sang tawo kag magpatuman sang social distancing.
Sa subong, wala pa sang kaso sang Nipah virus sa Pilipinas, apang ang hulihi nga na-record nga kaso amo pa sang 2014 sa Sultan Kudarat.
