Nagtaliwan na ang Puerto Rican boxer nga si Paul Bamba sa edad nga 35, ini ang suno sa ginpaguha nga kumpirmasyon sang iya pamilya kag manager. Anom ka adlaw matapos magdaog si Bamba sang WBA Gold apang wala pa ginhayag ang rason sang gulpi sini nga kamatayon.
Sa isa ka pahayag, ginpahayag ni Ne-Yo ang tuman kasubo kag ginlaragway si Bamba bilang isa ka ‘pinalangga nga batam utod, abyan kag kampyon sa boksing. Gindayaw man ni Ne-Yo si Bamba nga may ambisyon kag salig sa kaugalingon, dugang pa sang singer nga sobra pa sa kadalag-an sa ring ang ‘husay nga ginpakita ni Bamba’ nga naghatag sang inspirasyon sa iban nga dedikado kag may determinasyon.
Si Bamba, nga may professional record nga 19 daog kag 3 ka piyerde, nga may 18 knockouts, ang may makabililib nga tuig, nagdaog ini sa 14 tanan sini nga hampang.
Ang ulihi sini nga kadalag-an, sang malutos sini si Rogelio Medina gikan sa Mexico sa New Jersey agud makuha ang WBA Gold Cruiserweight belt. Sa ulihi sini nga post sa social media, nag-reflect si Bamba sa iya journey kag nagsulat, ‘This year I set out with a goal. I did just that. Wasn’t easy, there were many obstacles that I adapted to, overcame, and kept on the path we set regardless of extenuating circumstances,’ mensahe ni Bamba.
