Pulis nga nagagapadalagan presidente sa homeowners’ association, ginluthang sa atubang sang madamo nga tawo

Ginluthang patay ang isa ka pulis nga nagapadalagan bilang presidente sa homeowners’ association sa ila nga subdivision sa Guiguinto, Bulacan.

Ang biktima amo si Police Master Sergeant Jose Uring.

Nagalakat ang biktima samtang ginapatigayon ang caucus para sa ginapreparahan nga eleksyon sang siya ang gintiro sa likod.

Antes nagpalagyo ang suspek, ginaalegar duha ka beses pa ginluthang ang pulis kag may isa pa ka babaye nga pilason matapos naigo sang bala.

Napatay ang biktima samtang naga-recover naman ang babaye.

Suno sa kapulisan, isa sa mga anggulo nga ginalantaw ang pagka-opisyal ni Uring sa subdivision.

Natigayon naman nga madakpan ang duha ka mga suspek lakip na ang isa ka anay pulis nga ginaalegar amo ang nagtiro sa biktima.