Kalaslon pa kuntani sa Disyembre ang pulis nga nalukpan sang iya service firearm sa sulod sang ila quarters sa 4th Maneuver Platoon sang 1st Aklan Provincial Mobile Force Company sa Sitio Murayan Junction, Poblacion, Altavas, Aklan.
Ang biktima ang isa ka Patrolman, 28 anyos kag residente sang Barangay Bita, Dao, Capiz.
Sa interview sang Bombo Radyo kay Police Captain Jover Ponghon, hepe sang Altavas Municipal Police Station, iya ginpahayag nga nakabaton na lamang sila sang tawag halin sa mga kaupdanan man nga pulis nga nakabati sila sang lupok sang armas.
Suno kay Ponghon, gin-turnover na ang imbestigasyon sa Aklan Forensic Unit.
Base sa mga panaysayon sang mga kaupdanan sang biktima, masinadyahon ini nga sahi sang pulis.
Nagpahanumdom man ang natungdan sa mga pulis nga indi ini pag-itaklos kun magtulog agud malikawan ang amo nga insidente..
Interviewed by Bombo Sunnie Mae Constantino Batencila
