ROXAS CITY – Patay ang isa ka police officer matapos aksidente nga natiruhan ang kaugalingon sa President Roxas Municipal Police Station sa banwa sang President Roxas, Capiz.
Nag-angkon sang pilas sa sentido si Police Executive Master Sergeant Edgar Durias 49-anyos sang Barangay Poblacion, Panit-an, Capiz.
Sa interview sang Bombo Radyo Roxas kay Police Captain Armando Clavaton, hepe sang President Roxas PNP, ginpahayag sini nga ila ginkakibot kagab-I sang nakabati sang duha ka lupok sang armas.
Gilayon nga ginpangita sang pulis ang ginhalinan sang lupok tobtob ila nakita ang duguan nga si Durias nga nagahamyangon sa semento malapit sa CR.
Nakita sa tiilan sang biktima ang iya nga service firearm nga 9mm pistol.
(UPDATE) Pamilya sang napatay nga pulis, kumbinsido nga ‘accidental firing’ ang natabo sa ila himata kag indi ‘suicide’
Gilayon nga gindala sa Bailan District hospital si Durias matapos nakita nga nagahulag pa ini, apang wala sa gihapon nakaluwas sa kamatayon.
Suno kay Police Captain Clavaton nga nagaguwa sa inisyal nga imbestigasyon sang talatapan nga accidental firing ang natabo.
