Patay ang isa ka pulis matapos ginluthang sa Purok 3, Barangay Bugallon Proper, Ramon, Isabela.
Ginkilala ang biktima nga si PMSgt. Mario Lopez Jr., residente sang San Marcos, San Mateo, Isabela kag assigned sa San Agustin Police Station.
Suno sa report sang pulis, nakabati ang mga residente sang sunod-sunod nga lupok apang nagdumdom nga simple lang ini nga “test fire.” Pagligad sang pila ka minutos, nag-abot ang mga salakyan sang pulis sa lugar.
Sa lugar sang krimen, nakita sang mga awtoridad ang bangkay ni Lopez upod ang masobra napulo ka naubos nga mga bala.
Base sa inisyal nga imbestigasyon sang Ramon Police Station, off duty ang biktima sadto nga adlaw kag nagkadto sa banwa mga alas 4 sang hapon para sa ginpahayag transaksyon sa pagbakal sang mais.
Ang naka-transaksyon sang biktima ang isa sa mga persons of interest nga gina-monitor.
Sa karon, padayon pa ang imbestigasyon sang kapulisan kun ano ang motibo sa krimen kag ginahimo ang mga tikang agud matumod ang iban pa nga involed.
