Puluy-an totally burned sa Barangay Tanza Norte Panay

ROXAS CITY – Totally burned ang isa ka puluy-an, matapos nga masunog kagab-I pasado alas 9:30 sang gab-i sa Sitio Higad, Barangay Tanza Norte Panay, Capiz.

Mahibaluan nga human sa mixed materials ang nasambit nga puluy-an kag ginapanag-iyahan ni Antonio Carillo.

Ginpahayag nga wala sang tawo ang balay sang nagluntad ang sunog.

Samtang ginalantaw nga rason sang pagkasunog ang posible napabay-an nga kalayo sa dapog.

Bangud sini gilayon nga ginbululigan sang mga kaiping sini nga puluy-an agud mapalong ang kalayo kag ginpadulungan man sang katapo sang Bureau of Fire Protection ang nasambit nga sunog kag nafire-out takna 11:07 sang gab-i.

Padayon pa sa karun ang ginapatigayon nga imbestigasyon sang mga otoridad sa nasambit nga sunog.