Pumpboy sang isa ka gasoline station, nasapwan ng patay na matapos nagkaon sang deodorizer sa CR

ROXAS CITY – Patay ang 26-anyos nga pump boy sa isa ka gasoline station sa Roxas City matapos ginaalegar nagpanginmatay pinaagi sa pagkaon sang deodorizer sa CR.

Nagabula ang bibig ni Marlon Dequino sang Barangay Tuburan, Maayon sang masapwan sa sulod sang ginarentahan nga boarding house sa Pavia St., Barangay 9, Roxas City.

Naalarma lamang ang landlady sang biktima sang nagpadulong sa boarding house ang kaupdanan sa trabaho ni Marlon matapos nabalaka sa wala pagsulod sa trabaho sang biktima.

Matapos nga mabuksan ang hulot sang biktima, ila nakit-an ang nagabula nga bibig ni Marlon.

Samtang, emosyunal naman ang iloy sang biktima sang makita ang bangkay sang anak.

Suno sa ginang wala ini sang ihibalo sa pagpanginmatay sang anak.