Ginaduso sang National Council on Disability Affairs (NCDA) nga himuon nga centralize ang disensyo sang Person with Disability Identification Card.
Ini matapos kumpirmahon ni National Council on Disability Affairs (NCDA) Executive Director Glenda Relova nga may yara nabilin nga mga peke nga PWD ID sa social media. Dugang pa sini, lapnagon ini sa Marketplace kag apisar i-report ang site, nagabag-o lang man gilayon ang mga sindikato sang ila website.
Siling ni Relova nga agud malikawan ang mga kasubong nga pagtunto ang may pending bill nga naka-file sa mababang Kapulungan para sa universal design sang PWD identification card nga may yara sang hologram kag microchip agud indi ini madali nga mapeke.
Alinsunod sa layi pwede nga mahatagan sang PWD identification card ang mga person with dissability sa Pilipinas. Ginagamit ini para makuha ang mga prebilehiyo para sa mga PWD halin sa nagkalain-lain nga mga establisiyemento.
Kasubong sang tig-20% discount sa pamasahe sa mga pampubliko nga salakyan, gamot sa tanan nga drug store, kag mga serbisyo nga medical. Pwede man makakuha sang educational assistance kag 5% discount sa mga nagapanguna nga kinahanglanon alinsunod sa panuntuhan sang Department of Trade and Industry kag Agriculture department.
Ginasiguro naman sang NCDA ang ila koordinasyon sa Persons with Disability Affairs Office kun paano ang tama nga pag-issue sang ID sa mga nagakuha sini.
