PWD nga wanted sa kaso nga paglapas sa VAWC-Act, arestado

ROXAS CITY – Arestado ang isa ka person with disability (PWD) matapos ginserbihan sang warrant of arrest sang mga kapulisan sa Barangay Cagay, Roxas City.

Ginkilala ang naaresto nga si Rene Dano, 54 anyos, residente sang nasambit man nga barangay nga akusado sa kaso nga paglapas sa Republic Act 9262 ukon Anti-Violence Against Women and their Children (VAWC) Act of 2004.

Ang warrant of arrest batuk kay Dano ang ginpapanaog ni Judge Roy Morallon sang RTC, 10^th Judicial Region, Branch 35, Ozamis City sadtong Marso 26, 2018.

Ginrekomendar sang korte ang P24, 000 nga piyansa para sa temporaryo nga kahilwayan ni Dano.