Naglunsyar ang North Korea sang pila ka ballistic missiles halin sa Pyongyang pakadto sa eastern sea, suno sa militar sang South Korea.
Ini ang pinakaulihi nga narekord nga paglunsyar sang ballistic missiles sang North Korea sa sulod sang duha ka bulan, kadungan sang palaabuton nga pagbisita ni South Korean President Lee Jae-Myung sa China sa diin ginapahayag nga gina-istoryahan sini ang posible nga kalinungan sa Korean peninsula.
Suno kay Wi Sung-lac, security adviser ni Lee, nagalaum ang South Korea nga daku ang mangin papel sang China sa pagpasanyog sang kalinong sa tunga sang South kag North Korea. Suno sa iya, ang katuyuan ni Lee amo ang pag-engganyo sa China nga pangunahan ang posible nga peace talks sa tunga sang South kag North Korea.
Samtang, madumduman nga katapusan nga naglunsyar sang ballistic missile ang North Korea sang Nobyembre sang nagligad nga tuig. Kadungan sini, nagmandu ang lider sang North Korea nga si Kim Jong Un nga doblehon ang produksyon sang ila mga kagamitan militar.
