Pormal na nga ginlunsyar ang Food Quality and Safety Laboratory ukon QualiSafe Laboratory sa isa ka Capiz State University-Mambusao Campus nga may yara sang food safety testing laboratory kag machine design facility.
Sa interview sang Bombo Radyo kay Dr. Marife Hilapad, Project Leader sang QualiSafe Laboratory, iya ginpahayag nga ginpatukod ang amo nga laboratoryo agud mapasangkad ang kapasidad sang mga researcher kag mas madugangan pa ang ihibalo kag eksperyensya sang mga estudyante.
Suno kay Hilapad, makabulig sa pag-develop ang laboratoryo sa mga estudyante sang probinsya sa Food kag Biological and Agricultural Systems.
Ginalauman man sang natungdan nga paagi sa amo nga pasilidad, mapabaskog pa ang ang research and development sang mga estudyante.
