ROXAS CITY – Nagdangop sa Bombo Radyo ang isa ka concerned citizen agud ireklamo ang nagapadayon nga quarry operation sa Barangay Malocloc Sur, Ivisan, Capiz.
Suno kay ginang Alisha, nahangawa sila nga mga pumuluyo bangud sa epekto sang pag-quarry sa ila lugar.
Dako ini nga halit suno sa iya ilabi na sa ila mga punong nga amo ang nagaserbi nga ila palangabuhian.
Nabalaka man sila bangud sa pagkaguba sang Majanlud river sa ila nga lugar.
Sa karon suno sa ginang, halos 27 sila ka mga residente ang nagpirma sa pagpamalabag sa nasambit nga quarry operation.
Ginpahayag pa sini nga base sa ila pagpangusisa nga aprubado man mismo ni Mayor Felipe Neri Yap kag Punong Barangay Alfonso Villar ang nasambit nga quarry operation apang dako ini nga halit sa ila nga mga residente sa lugar.
