Nalusutan sang Rain or Shine Elasto Painters ang defending champion nga San Miguel Beermen 107-93 sa nagapadayon nga PBA 49th Season Commissioner’s Cup nga ginhiwat sa Filoil EcoOli Center sa San Juan City.
Nag-arangkada ang Elasto Painters 12-0 sa tunga-tunga sang last quarter para malista ang pangaduwa nga sunod nga kadalag-an.
Ginpahayag ni Rain or Shine coach Yeng Guiao, nga ginpilit niya ang iya mga player nga sabayan ang kadasigon sang Beermen agud sila ang magadaog.
Nagpanguna sa kadalag-an sang Painters ang import nga si Deon Thompson nga nakarekord sang 18 points samtang may 15 points, apat nga rebounds, lima nga assists kag apat nga steals si Adrian Nocum.
Nagdugang naman sang 14 points si Caelan Tiongson kag tig-12 points sanday Felix Lemetti kag Keith Datu.
Nauyang naman ang nahimo nga 20 points kag 10 rebounds ni June Mar Fajardo kag 16 points ni Juami Tiongson para sa Beermen.
